ولما تشوف نفسك على الارض وبيشوطوك يبقى انت فى مصر
لما تشوووووف قدامك امن زى دة كلة بيرفع عليك العصى لما تقول( كفاية ظلم ) يبقى انت فى مصر
هو اية اللى بيحصل فى البلد هى البلد دية حالها مش حيتصلح ولا اية ؟؟؟ السؤال دة يمكن قالوه غيرة 70 مليون مواطن مصرى ...مش انا لواحدى .
الغريبة بقا ان كل اللى بيسأل السؤال دة ملوش اجابة .. ويقولك عيش وسبنى اعيش ..انا بستغرب بجد للحال اللى وصلنا لية ؟؟ واللى بيحصلنا .. انا طبعا مش اول واحد يتكلم فى الموضوع دة .. كتير اوى اتكلموا فية ويمكن احسن منى كمان ..
بس انا قعدت افكر شوية فى السؤال دة .. .. لاقيت ان السؤال دة المفروض يتقال علينا احنا .. احنا اللى امتى حيتصلح حالنا .. امتى حنفكر بقا شوية نصلح من نفسنا .. والحكومة دية الشماعة اللى بنعلق عليها مشاكلنا .. مش عايز حد يفهمنى غلط .. ويقولوا دة تبع الحكومة ياجدعان .. انا مش تبع حد . انا تبع نفسى .
وبتمنى ان بلدى دية تكون احسن بلد .. لانة فعلا بجد مفيش احسن منها ..لو غيرنا شوية من تفكيرنا فى حاجات كتيير .. ولو خفنا على بعضينا اكتر ونخاف على مصلحة بعض . صدقونى حاجات كتيير حتتغير .. لو احنا غيرنا من نفسنا وغيرنا من تفكيرنا ويبقى لينا هدف كلنا نشارك فية ونحاول اننا نوصلة ..يبقى اكيد احنا حطينا رجلينا فى الطريق الصح ...
ودة طبعا مش حيكون من واحد ولاة اثنين دة لازم نبدأ الاول من نفسنا وبعد كدة ننصح غيرنا .. لازم الكل يعرف ويوفوق بقا ... قبل بقا ما حتكون البلد مش بتاعتنا خالص..
وغصب عن الحكومة والحزب والحكم حيتغير وحيتصلح حالة .. وعمره ما حيفكر بقا ان يعمل فينا زى ما بيعمل دلوقتى انا شايف ان اللى بيحصلنا دة بسببنا احنا .. .. يبقى منرجعش بقا نلوم حد تانى.. احنا نلوم نفسنا الاول وونصلح ونحاول على قد مانقدر نغير شوية .. فكنا بقا من الضياع وتفكير الغلط ..
نصلح من نفسنا بقا ونبقى زى البنى ادمين ولا اية ؟؟؟؟!!!
ليست هناك تعليقات:
إرسال تعليق